SHAKA:ASEMA SHANGWE NA KEJELI HAVITAIDIA CUF 2015.

Na Mwandishi Wetu,Zanzibar.

     

JUMUIYA  ya UVCCM imesema shangwe ,kejeli na mbwembwe za Chama Cha Wananchib(CUF) hazitakisaidia  kushinda uchaguzi mkuu wa  oktoba mwak huu kwa sababu si  mtaji unaokipatia chama cha siasa ushindi  bila kuwa na mgombea bora, mipango na sera zinzokubalika...

Tamko hilo limetolewa jana na  Naibu Katibu Mkuu wa UVCCM Zanzibar Shaka Hamdu Shaka katika mkutano wake na waandishi wa habari uliofanyika Afisi za UVCCM huko Gymkhana mjini Unguja.

Shaka alisema CUF hakitashinda kwasababu hakina mgombea bora , kikiungwa mkono na  wanasiasa wasioheshimika  cha  kizalendo na hakiaminiwi kitaifa na kimataifa.

‘Kitendo cha kutumia mgombea mmoja  kila mwaka ,kuongozwa na wanasiasa wenye sifa za ubadhirifu wa mali za umma  , kimeshindwa maperma kifute ndoto ya  kuingia ikulu ”Alisema Shaka.

Aidha alisema kitendo cha wafuasi wake kushangilia mitaani kifo cha Mwakilishi  wa CCM jimbo la Magomeni Salmin Awadhi Salmin ; kimekikosesha hadhi  na kuthibitisha si cha kiungwana kisichoweza  kujenga umoja wa kitaifa ila kitaleta   mgawanyiko  kati ya Pemba na Unguja.

Hata hiyo Naibu huyo Katibu Mkuu wa UVCCM; ameitaka SMZ kuwasilisha mswada wa sheria Baraza la Wawakilishi ili kuwa na chombo cha udhibiti na usimamizi wa  mwenendo wa mitandao ya kijamii  na tovuti.

“Mitandano ya kijamii na tovuti kuendeshwa  kinyume na maadili inahuzunisha , mitandao hiyo inaweza kuchochea moto ambao ukiwaka na kusambaa hautopata  mzimaji”Alisema Shaka .

Alisema sehemu ya mitandao ya kijamii Zanzibar ina dhamira mbaya kwa  nchi na  Mapinduzi ya Zanzibar kwani hutumika  kukashifu watu, kufanya uchochezi , kejeli, mzaha na kedi  kwa kushangilia kufa kwa watu.

“Tulidhani vitimbi vya CUF kupiga  na kucheza ngoma wakila na kunywa kwa kufurahia kifo    vingeishia mitaani ; cha kushangaza wameviendeleza hadi kwenye  mitandano ya kijamii na tovuti”Alisema Shaka.

Shaka alisema tukio la kushangilia kufa Mwakilishji wa CCM kimewakumbusha walivyofanya CUF mwaka 1995  huko Pemba  kutia vinyesi kwenye visima vya maji ya kunywa na kwenda  kinyume na thamani ya utu na ubinadamu.

“Tumeshangazwa CUF kusherehea kifo cha mtu  , jambo hili halijawahi kufanyika Tanzania; watanzania  hawana mila na   utamaduni wa kipuuzi tumeuona kutoka kwao, bila shaka yapo  mengi ya kujiuliza”Alisema Shaka

Saka alilaani kitendo hicho  na kusema  hakitoi dhamira njema ya kudumu  Maridhiano ya kisiasa yaliiofikiwa na kuundwa  Serikali ya umoja wa kitaifa na  kqwamba    kinaweza kikawa  chanzo cha kusababisha mgawanyiko katika jamii .

Alisema   UVCCM  tayari wameshafanya mazungumzo na Wawakilishi kutoka CCM ,  mmoja miongoni mwao ameteuliwa awasilishe hoja binafsi Baraza la Wawakilishi kuitaka Serikali ipeleke mswada wa sheria ya kudhibiti na kusimamia mwenendo wa mitando ya kijamii na tovuti.

Pia alisema Katibu Mkuu wa CUF Maalim Seif kuinanga Serikali anayoitumikia kwa kuiita ya   kidhalimu ilhali ndiye  Mshauri namba moja wa Rais wa Zanzibar Dk. Ali Mohammed Shein, Shaka alisema kimeiogopesha UVCCM na hakikubaliki .

"Maalim Seif  ni kinara wa uzushi ;  hali ya uchumi wa Zanzibar sio mbaya kama alivyodai ; takwimu zikionesha uchumi  umekuwa kwa asilimia  7.4 mwaka 2014 hadi 2015 ,kuna  miundombinu ya barabara ya lami,  vifo vya kinamama na watoto kupungua ; kumalizika  malaria na hakuna anaetembea umbali wa  kilomita tano kufuata huduma za afya"Alisema Naibu huyo Katibu Mkuu.

Alisema hivi sasa hakluna mtu anayetembea zaidi ya kilimita tano kufuata shule na kwamba Zanzibar  imetimiza malengo ya Milenia  kabla ya  wakati uliowekwa na Umoja wa Mataifa huku maendeleo ya kisekta  yakiimarika ambapo  takriban  vijiji vyote Unguja na Pemba vina umeme wa uhakika na ikiwemo  Pemba kuunganishwa katika  gridi ya Taifa.

Vile vile UVCCM imesema yakiorodhesha mafanikio ya kiuchumi na kijamii yaliofikiwa chini ya SMZ mtu anweza  kujaza vitabu na vitabu huku akiwataka  waandishi wa habari kumuuliza  Maalim  Seif  ataje  gharama anazotumia kwa ajili ya kutibiwa  kwake nchini India ambapo alisema kila safari huchota fedha za umma shilingi milioni 8.

Kuhusu Serikali ya Qatar kuitambua zaidi Zanzibar kuliko Tanzania, Shaka alisema Seif  ni muongo kwani akiwa nje hupeperusha bendera ya Taifa ya Tanzaniana  ; katika ramani ya Mataifa ya Ulimwengu Zanzibar haimo, haipo katika Mataifa ya Afrika kama nchi Dola  na madai ya Qatar kuijua Zanzibar kuliko Tanzania ni madai ya kitoto.